Fagleg ræsting er mikilvægur þáttur í viðhaldi og rekstri atvinnuhúsnæðis. Íburðarmiklar innréttingar, tæknibúnaður og margvísleg gólfefni, krefjast réttra aðferða, áhalda og efna svo að vel megi fara. Við ræstingu er gott skipulag og rétt skilgreining á ræstiþörf lykilatriði varðandi gæði hennar og tilkostnað. Þess vegna er ræsting fagmanna ekki bara betri, heldur líka ódýrari.

En ræstingarþjónusta snýst ekki bara um fagleg vinnubrögð, heldur líka um persónulegt samband við viðskiptavininn, þar sem trúnaður er í heiðri hafður. Til að standa undir því trausti sem okkur er sýnt, er þjónustan nú vottuð norræna gæða- og umhverfismerkinu Svaninum. Við leggjum sérstaka alúð við val á starfsfólkinu, kennum því rétt vinnubrögð og framkomu í Hreint-skólanum og biðjum það að ganga um vinnustaði sína, eins og það vill að gengið sé um heimili þeirra.

Hreint ehf er því mjög öruggur valkostur á vaxandi íslenskum ræstingarþjónustu-markaði, þar sem krafist er faglegra gæðavinnubragða í öllum þáttum þjónustunnar. Við gerum einföld, skýr og skrifleg tilboð í öll verkefni og klæðskerasaumum þau að ólíkum þörfum þeirra sem til okkar leita. Við búum yfir þekkingu og reynslu sem er vandfundin hér á landi og bjóðum hana á höfuðborgarsvæðinu, Akureyri, Akranesi, Hveragerði og Selfossi.

Hafðu samband í síma 554-6088 eða með netpósti á soluradgjof@hreint.is og við komum að vörmu spori með bros á vör.